لا ياحمامه ، خالد الشمري
جت المراويح تسحب خيرها للخبر متراميه من ورا الاحساء لحد القطيف وليا الحمامه تحاول في غصون الشجر كل ماتستل اقول الطف بها يالطيف لا ياحمامه واذا غطرف زراق الفجر! الغيم لازال وانتي لك جناحٍ رهيف لا لاتطيرين شوفي هالسحاب انهمر وهوج العواصف لها بين الزوايا وحيف مبرهج الباب والشباك ، قبل المطر وليا دهلتي المضيف يطيب راع المضيف ونبي نسولف هنيّا عن صدوف الدهر! ماهي سوالف هل الناقه وقصة حنيف ماهي سوالف عن المجد وسوالف سهر ولاهي سوالف وليفٍ يشتكي من وليف لا بالله الا السوالف ، في رفيق العمر اللي غدا من ورا السور العريض المنيف ودي سلامي وقولي ، لو يطول الصبر صيّور الايام تظهر كل رجلٍ شريف اللي عقل يوسف ليعقوب يااخو بدر ماهو بناسيك لو ان جور بقعاء كليف وقولي بعد عن قرايانا وذيك الهجر مازان لي جوها من خشم سلمى لهيف ماردت الروح عقبك ياوسيع الصدر كني على هامش الشارع وبرد الرصيف لا ياحمامه " امانه " وصلي هالعذر لو لي جناحك ماجيتك بالشعور الكسيف! دوي الرواعد ليا من المخيل انهمر...